Wari uzi ko uwahanze ibimenyetso byo mu muhanda atari azi gutwara imodoka?

Wari uzi ko uwahanze ibimenyetso byo mu muhanda atari azi gutwara imodoka?

 Jun 5, 2024 - 17:53

Wari uzi ko Umunyamerika William Phelps Eno wahanze ibimenyetso byo mu muhanda(ibyapa) yatabarutse atazi gutwara imodoka? Ese byagenze gute kugira ngo ahimbe ibyo bimenyetso?

Hariho ibintu byinshi bikoreshwa mu muryango mugari kandi biyifitiye inyungu, ababikoresha nyamara batazi inkomoko y'ibyo bintu.

Kimwe mu byo benshi batazi ni uko  Umunyamerika William Phelps Eno ari we wahanze bwa mbere bimwe mu bimenyetso by’umutekano wo mumuhanda ibyo benshi tuzi nk'ibyapa.

Uyu mushakatsi William, wari uzwi na benshi nka se w’umutekano wo mu muhanda mu 1867, ubwo yari mu muhanda, ngo rimwe yabonye imodoka zigendera mu kavuyo gakabije ari mu muhanda, maze bituma agira igitekerezo cyo gushushanya ibimenyetso byo mu muhanda byafasha mu kugabanya ako kajagari yari abonye.

Mu 1900, Eno yanditse ingingo mu kinyamakuru The Rider and Driver Magazine ivuga ku bwinshi bw’ibinyabiziga bituma hashyirwaho amategeko y’umuhanda i New York muri Amerika.

Bimwe mu bitekerezo yatanze muri iyi ngingo harimo nk’ibimenyetso byo guhindura inzira, gutegereza no guhagarika ibinyabizaga ndetse n'igitekerezo cy'uko imodoka zigomba kugendera ku ruhande rumwe rw’umuhanda (ku ruhande rw’iburyo muri Amerika).

Yatangirije ibihangano bye mu mihanda y’imijyi minini nka New York, London, na Paris.
Mu bimenyetso yakoze harimo ibyo guhagarara, kwambukiranya ku banyamaguru, gutegereza, n’ibindi bimenyetso byinshi bitandukanye.

Ikintu cyatunguye benshi ni uko n’ubwo yateguye ibyo bimenyetso byo ku mihanda, ariko mu buzima bwe bwose atigeze atwara cyangwa ngo yige gutwara imodoka, ahubwo we yigenderaga ku mafarasi. William yavutse 1858 yitaba Imana mu 1945.