Uko ibintu bihagaze ubu, Chelsea iri munzira yo kuzakina Champions League umwaka utaha, kuko yicaye ku mwanya wa gatanu muri Premier League hasigaye imikino ibiri aho Opta ivuga iyi kipe ifite amahirwe 56.3% yo gukina iryo rushanwa umwaka utaha.
Icyakora, na none iyi kipe yo mu burengerazuba bwa London ishobora kugira amahitamo yo gukina muri Europa League aho gukina UEFA Champions League.
Ibyo byaba impamo mu gihe Chelsea yatsinda umukino wanyuma wa Conference League uzayihuza na Real Betis ndetse ikanasoza shampiyona iri mu myanya itanu y'amakipe azakina UEFA Champions League umwaka utaha.
Gutwara UEFA Conference League byemerera Chelsea guhita ibona itike ya UEFA Europa League umwaka utaha, mu gihe kuza mu myanya itanu ya mbere muri shampiyona biyemerera gukina UEFA Champions League umwaka utaha.
Mu gihe yaba ibonye ibyo byombi, yo ubwayo ni yo yemerewe guhitamo irushanwa yifuza gukina hagati ya UEFA Champions League na UEFA Europa League.
Opta ivuga ko Chelsea ifite amahirwe arenga 56% yo kuza mu myanya itanu ya mbere muri shampiyona
Chelsea ishobora kwisanga ifite amahirwe yo kuba yakina Europa League na Champions League
Kugira ngo bibe ni uko Chelsea yaza mu myanya itanu ya mbere, ikanatwara UEFA Conference League
