Patoranking agiye gutarama mu gikombe cy’Isi

Patoranking agiye gutarama mu gikombe cy’Isi

 Nov 3, 2022 - 14:06

Umuhanzi Patoranking ukubutse mu Rwanda agiye kwiyongera ku bandi banyafurika nka Davido, Kizz Daniel na Akon bazataramira muri Qatar.

Umuhanzi Patrick Nnaemeka Okorie wamamaye nka Patoranking mu muziki wa Africa by’umwihariko akaba icyamamare mu njyana ya Dancehall agiye kwiyongera ku bahanzi batatu Davido, Akon na Kizz Daniel bo muri Africa bamaze kumenyekana ko bazataramira abazitabira igikombe cy’Isi cy’umupira w’amaguru cya 2022 kizabera muri Qatar muri uku kwezi.

Umuhanzi Patoranking ukomoka muri Nigeria, nk’uko tubikesha ibinyamakuru byandika ku myidagaduru muri iki gihugu, byatangeje ko ari mu myitegure yo kwerekeza muri Qatar aho azataramira abazitabira iki gikombe cy’isi kibura iminsi 18 ngo gitangire.

Patoranking nawe abinyujije kuri Twitter yahamije aya makuru avuga ati “Yego turaje”.

Patoranking aritegura gutaramira abazitabira igikombe cy'Isi kizatangira kuwa 20 Ugushyingo 2022.

Umuhanzi Patoranking aherutse mu Rwanda aho yari yaje gususurutsa abitabiriye inama ya Youth Connekt 2022 yabaye kuwa 13 kugeza 15 Ukwakira.

Patoranking kandi aherutse kwerekeza mu Bwongereza hanyuma binyuze kuri Instagram atangaza ko agiye gukora ubukangurambaga bwo kuzana abantu bakaza gusura u Rwanda.

View this post on Instagram

A post shared by The Choice (@thechoice_live)