Mu ijoro ryo kuri uyu wa Mbere nibwo mu Bufaransa hatangiwe ibihembo bya Laureus World Sports Awards bihabwa abitwaye neza mu mikino yose, aho Messi yabaye umusiporutifu w'umwaka mu mikino yose.
Lionel Messi kandi yashyikirijwe igihembo mu izina ry'ikipe y'igihugu ya Argentine yahembwe nk'ikipe y'umwaka nyuma yo kwegukana Igikombe cy'isi cya 2022 cyabereye muri Qatar.
Nyuma yo guhabwa iki gihembo Messi yagize ati:"Narebaga y'abanyabigwi batwaye igihembo cya Laureus cy'umukinnyi w'umwaka mbere yange:Schumacher, Tiger Woods, Rafael Nadal, Roger Federer, Djokovic...ni icyubahiro kidasanzwe kuba muri aba bantu."
Umukinnyi wa Tennis witwa Carlos Alcaraz wegukanye US Open 2022 akaba uwa mbere kuri ATP rankings, yahawe igihembo cya Laureus World Breakthrough of the Year, gihabwa umukinnyi wigaragaje muri uwo mwaka ariko utari igikomerezwa mbere yawo.
Umunya-Denmark Christian Eriksen wagarutse muri Premier League mu 2021 nyuma yo kumara hafi umwaka adakina kubera ikibazo cy'umutima, yahawe igihembo cya Laureus World Comeback of the Year Award cy'umukinnyi wagarutse neza.
Urutonde rw'abakinnyi bose bahembwe:
World Sportsman of the Year Award: Lionel Messi
World Sportswoman of the Year Award: Shelly-Ann Fraser-Pryce
World Team of the Year Award: Argentina Men's Football Team
World Breakthrough of the Year Award: Carlos Alcaraz
World Comeback of the Year Award: Christian Eriksen
World Sportsperson of the Year with a Disability Award: Catherine Debrunner
World Action Sportsperson of the Year Award: Eileen Gu
Laureus Sport for Good Award: TeamUp
Lionel Messi yashyikirijwe ibihembo bibiri
