Mu mukino Fc Barcelona yanganyagamo na Alavés igitego 1-1, rutahizamu ukomoka muri America y’epfo muri Argentina Sergio Kun Agüero yasohowe mu kibuga umukino utarangiye kubera ikibazo cy’umutima yagiriye muri uwo mukino.
Hari hasigaye ko abaganga bamwitaho bakareba niba azongera kugaruka mu kibuga vuba.
Nkuko bitangazwa na Radio ya Catalonia iravugako ikibazo cya Agüero cyakomeje kuzamuka ku buryo ashobora guhagarika umupira w’amaguru kugirango abungabunge ubuzima bwe.
Sergio Kun Agüero yasohowe mu kibuga ku munota wa 42 w’umukino nyamara niwo mukino wa mbere yari akiniye mu rugo kuri stade ya Fc Barcelona Camp nou.
Sergio Kun Agüero arimo kwitabwaho n’abaganga, (Daily maily net photo)
Sergio Kun Agüero yari yerekeje muri Fc Barcelona nyuma yo kuba umukinnyi mwiza muri Premier League imyaka igera ku 10 ubwo yari muri Manchester City yanagiriyemo ibihe byiza byatumye ubu ariwe rutahizamu w’ibihe byose muri Manchester City.
