Irambona Masudi Djuma uherutse kwirukanwa muri Rayon Sports afatanyije n'umunyamategeko we, bamaze kurega ikipe ya Rayon Sports ayishinja kumwirukana binyuranyije n'amategeko.
Inkuru dukesha umunyamakuru Biganiro Antha iravuga ko ishyirahamwe ry'umupira w'amaguru mu Rwanda FERWAFA, yamaze kwakira ibaruwa ya Irambona Masudi Djuma arega Rayon Sports ko yamwirukanye mu buryo butemewe n’amategeko.
Irambona Masudi Djuma yahagaritswe muri Rayon Sports tariki ya 21 Ukuboza 2022 bamushinja umusaruro mucye ndetse bamwandikira ibaruwa imusezerera muri Gashyantare 2022.
Masudi Djuma nk’uko muri iyi baruwa bigaragara yareze Rayon Sports avuga ko yamwirukanye mu buryo butemewe nta n'imperekeza ndetse hakaba hari n’ukwezi kwa 12 batamuhembye.
Masudi Djuma avuga ko Rayon Sports igomba gukuba amezi 20 n’amafaranga yahembwaga buri kwezi bikangana na miliyoni 40 z’amanyarwanda, Masudi yari asigaje amezi 20 muri iyi kipe.
Masudi Djuma n’umuhagarariye mu mategeko ariwe Me Ibrahim Safari bifuza ko Rayon sports yabaha Miliyoni 58 z’amanyarwanda, nyuma y'uko Masudi yari yasinye amasezerano y’imyaka ibiri muri Rayon Sports muri Nyakanga 2021 akaba yari amaze gutoza iyi kipe amezi ane
Masudi Djuma yamaze kurega Rayon Sports(Net-photo)
Masudi avuga ko yirukanwe na Rayon Sports binyuranyije n'amategeko(Net-photo)
