Ishimwe Dieudonné wamenyekanye nka Prince Kid washinze Rwanda Inspiration Back Up yari ishinzwe gutegura irushanwa rya Miss Rwanda, agiye kongera gusubira imbere y'urukiko ku wa 10 werurwe 2023.
Prince Kid yari yaragizwe umwere n'urukiko rwa Nyarugenge ku byaha ashinjwa birimo gukoresha undi imibonano mpuzabitsina ku gahato, gusaba no gukora imibonano mpuzabitsina ku gahato, guhoza undi ku nkeke bifitanye isano n'imibonano mpuzabitsina ariko ubushinjacyaha bwahise bujuririra iki cyemezo mu rukiko rukuru.
Prince Kid agiye gusubira imbere y'urukiko nyuma y'uko umukunzi we wamurwaniye ishyaka ubwo yari muri gereza aciye amarenga ko yaba yarambitswe impeta; https://www.thechoicelive.com/iradukunda-elsa-yaciye-amarenga-yo-kwambikwa-impeta-yurudashira
Nyembo Emelyne wunganira Prince Kid mu mategeko niwe wahisemo itariki ya 10 Gicurasi 2023 ko aribwo basubira imbere y'urukiko ndetse na Ishimwe Dieudone yemeza uwo munsi.
Ubushinjacyaha bwaburanaga bumusabira ko yafungwa imyaka 16 ariko urukiko rwanzura ko Ishimwe Dieudone w'imyaka 34 abaye umwere nyuma y'uko nta bimenyetso byatanzwe bigaragaza ko ibyo byaha byakozwe.
Prince Kid yafungiwe muri gereza ya Nyarugenge iri i Mageragere kuva ku wa 16 gicurasi 2022 kugeza ku wa 2 ukuboza 2022 nyuma y'uko yari amaze kugirwa umwere.
