Mu butumwa burebure yanyujije ku rukuta rwe rwa Instagram ku Cyumweru, tariki ya 24 Kanama, uyu mugore w'imyaka 43 y'amavuko yavuze ko imyaka 3 yabanye na Sam nk'umugore n'umugabo yamugoye cyane kuko ngo yamutandukanyije n'abana be b'abahungu, Sean Preston na Jayden James, yari yarabyaye mbere.
Ati: "Imyaka yambabaje cyane kurusha iyindi ni imyaka itatu ubwo abana bange batari bari kumwe nange. Nabuzwaga kubahamagara cyangwa se no kubandikira. Mu by'ukuri, ntabwo nari ntuje, akenshi narariraga, nk'ubuhungiro, ubwo nari ndi kumwe Sam."
Umubano wabo Spears arawicuza kuko yabuzwaga uburenganzira.
Uyu muhanzikazi akomeza avuga ko nyuma yo gutandukana na Sam wahoze ari umugabo we, kuri ubungubu amaze kugenda akira ibikomere yagiriye muri urwo rushako.
Ati: "Niyumva nk'aho ndi gukira kubera ko nsigaye mfite ubushake bwo kurya nk'ubw'umwana. Iyo ndiye, numva wagira ngo ni nk'ubwambere ndiye mu buzima bwange. Ndashimira Yesu wankomeje kubera ko ubungubu ndi kwiga kuvuga 'Oya', kurwana ku buzima bwange no kwereka abantu uwo ndi we."
Aba bombi, Spears na Sam, bashyingiranywe mu mwaka wa 2022, mu bukwe bwari bwitabiriwe n'ibyamamare bitandukanye, nyuma y'imyaka iridwi bakunda mu ibanga. Mu mwaka ukurikiyeho, muri 2023, Asghari w'imyaka 31 yagiye gushaka ibya gatanya. Muri 2024, ni bwo batandukanye mu buryo bwemewe n'amategeko.
