Kuri uyu wa Gatatu ikipe ya Gor Mahia yo muri Kenya yifashishije imbuga nkoranyambaga zayo iha ikaze myugariro wayo mushya ariwe Bayisenge Emery wakiniraga ikipe ya Saif Sporting Club, akaba yasinyiye iyi kipe amasezerano y’umwaka n’igice.
Emery yatangarijwe rimwe n’abandi bakinnyi batanu bashya, bakaba bitezweho gufasha iyi kipe muri kwegukana igikombe cya shampiyona y'uyu mwaka.
Iyi kipe yo muri Kenya yanyuzemo abanyarwanda nka Meddie Kagere, Abouba Sibomana, Jacques Tuyisenge na Mugiraneza Jean Baptiste Migi, Emery ayisanze ku mwanya wa mbere aho ifite amanota 42 nyuma y'imikino 20.
Emery Bayisenge yakiniye amakipe atandukanye arimo APR FC na AS Kigali zo mu Rwanda, Kenitra na JS Massira zo muri Maroc, Saham Club yo muri Oman USM Alger yo muri Algeria na Saif Club yo muri Bangladesh aherukamo.
Bayisenge yahawe ikaze muri Gor Mahia
