Ni ibaruwa yanditswe n'ubuyobozi bwa APR FC tariki 16 Ugushyingo 2021 isaba ko umukino wa APR FC na Rayon Sport wasubikwa ariko FERWAFA yamaze kwanga ubwo busabe.
Umukino wa APR FC na Rayon Sports uzakinwa tariki 23 Ugushyingo 2021. Ikipe ya APR FC ikaba yari yasabyeko uwo mukino wasubikwa mu rwego rwo kuyifasha kuba yakwitegura imikino nyafurika neza.
Ubusabe bwa APR FC banzwe(Net-photo)
Ikipe ya APR FC ikimara kuva mu mikino ya CAF Champions League yabonye amahirwe yo gukina ijonjora rya nyuma rya CAF confederation cup aho izahura n'ikipe ya RS Berkane yo muri Morocco tariki 28 Ugushyingo 2021.
APR FC yari yandikiye ishyirahamwe ry'umupira w'amaguru mu Rwanda FERWAFA ivuga ko uwo mukino wa Rayon Sport wakurwaho maze ikitegura RS Berkane neza.
FERWAFA nayo yasubije ivuga ko impamvu APR FC yatanze zidafite ishingiro kuko iminsi iri hagati y'umukino wa Rayon Sport n'umukino wa RS Berkane ihagije kuba bakitegura.
APR FC izakina na Rayon Sport tariki 23 Ugushyingo 2021 maze ihite ikina na RS Berkane tariki 28 Ugushyingo 2021.
