Carlo Ancelotti utoza Real Madrid yakoze amateka atarakorwa n'undi mutoza wese

Carlo Ancelotti utoza Real Madrid yakoze amateka atarakorwa n'undi mutoza wese

 Apr 30, 2022 - 21:37

Carlo Ancelotti yabaye umutoza wa mbere ubashije gutwara ibikombe bya shampiyona muri shampiyona eshanu za mbere zikomeye i Burayi, ndetse niwe mutoza mukuru watwaye La liga.

Nyuma y'uko Real Madrid itwaye igikombe cya shampiyona kuri uyu wa Gatandatu, Carlo Ancelotti uyitoza yabaye umutoza wa mbere utwaye igikombe cya shampiyona muri buri shampiyona eshanu za mbere zikomeye i Burayi.

Uyu mutoza w'umutariyani yatwaye igikombe cya La liga nyuma y'uko yari asanzwe yaratwaye Premier league mu Bwongereza, Serie A mu Butatiyani, Bundesliga mu Budage na Ligue1 yo mu Bufaransa.

Real Madrid yegukanye iki hikombe nyuma y'uko yari imaze gutsinda Espanyol ibitego 4-0, byatsinzwe na Asensio, Benzema na Rodrygo watsinze ibitego bibiri.

Carlo Ancelotti yanditse amateka atarakorwa n'undi(Net-photo)

Carlo Ancelotti yatwaye shampiyona ya Serie A mu 2004 ubwo yatozaga AC Milana ndetse ahita afasha iyi kipe gutwara UEFA Champions league, nyuma y'imyaka itandatu ahita atwara igikombe cya Premier league mu Bwongereza ubwo yatozaga Chelsea.

Ancelotti kandi yagiye mu Bufarans atwara Ligue1 mu 2013, ndetse mu mwaka w'imikino 2016-2017 afasha Bayern Munich kwegukana igikombe cya shampiyona ya Bundesliga.

Real Madrid yegukanye igikombe cya shampiyona irusha FC Sevilla iri ku mwanya wa kabiri amanota 17, nyuma y'uko Sevilla inganyije na Cadiz ubusa ku busa kuri uyu wa Gatanu.

Andi mateka Carlo Ancelotti yanditse nuko uyu mugabo ariwe mutoza wa mbeze ukuze ubashije kwegukana La liga, kuko yayitwaye afite imyaka 62 n'iminsi 325. Ancelotti amaze gutwara ibikombe 22 nk'umutoza, birimo na UEFA Champions league eshatu.