Umuhanzikazi wo mu gihugu cya Tanzania, akaba n'umukunzi wa Diamond Platnumz, Zuchu, ntabwo yemerewe gukorera ibikorwa by'umuziki muri Zanzibar.
Zuchu yagaritswe mu birwa bya Zanzibar mu gihe cy'amezi 6
Ibi ni nyuma y'uko akanama gashinzwe ubahanzi, filime n'umuco muri Zanzibar gatangaje ko guhera uyu munsi tariki 5 Werurwe, uyu muhanzi atemerewe gukorera ibikorwa by'umuziki muri ibi birwa.
Aka kanama katangaje ko kamufatiye ibi bihano kubera imvugo, indirimbo n'ibimenyetso yakoresheje mu birori bya Fullmoon Party, bitajyanye n'umuco wa Zanzibar.
Zuchu yaherukaga muri Zanzibar mu kwezi gushize
Umunyamabanga nshingwabikorwa w'ako kanama, Bwana Omar Abdalla Adam, ni we watanagaje ko uyu muhanzikazi atemerewe gukorera ibikorwa by'umuziki muri Zanzibar mu gihe cy'amezi 6.