Umuhanzi The Ben, nyuma yo gusezerana n’umukunzi imbere y’amategeko, yasabye anakwa umukunzi we Iwicyeza Pamela bitegura kurushinga.
The Ben na Pamela basezeranye imbere y'amategeko
Ni ibirori byabereye mu busitani bwa Mlimani Julia buherereye i Rusororo mu karere ka Gasabo, ibirori byiza bititabiriwe n’umuhanzi Meddy nk’uko byari byitezwe.
The Ben yageze ahabereye ubukwe saa kenda z’igicamunsi, aho yari agaragiwe n’abahanzi bakomeye mu Rwanda barimo Andy Bumuntu, Igor Mabano, n’umushoramari akaba n’inshuti magara ya The Ben, Jimmy, umuraperi K8 Kavuyo, umuhanzi Christopher, OG The General, Intore Frank n’abandi.
The Ben na Pamela bazasezerana imbere y'Imana mu cyumweru gitaha
Mu bindi byamamare byagaragaye muri ibi birori, barimo icyamamare muri gospel, Israel Mbonyi, umunyamakuru Anitha Pendo, David Bayingana, Muyoboke Alex, Noopja nyiri Country Records yakorewemo indirimbo The Ben yahimbiye Pamela, Uncle Austin, Sadate Munyakazi n’abandi.
