Patrice Evra wahoze akinira Ubufaransa na Manchester United, yahamijwe icyaha n’urukiko mpanabyaha mu Bufaransa kubera gutererana uwahoze ari umugore we, ndetse akatirwa gufungwa umwaka umwe usubitse.
Nk’uko ikinyamakuru cyo mu Bufaransa L'Equipe kibitangaza, ngo Evra abereyemo hafi miliyoni imwe y'amayero uwo mugore babyaranye, ngo uyu mugabo wahoze ari myugariro ukomeye cyane, we n'umwunganira bahakanye ibyo birego byose.
Uwunganira Evra, Me Jérôme Boursican, yaganiriye na Le Parisien maze agira ati: “Patrice Evra yatanze ubujurire, azi ko yahaye umugore we inzu, inzu ifite pisine iri mu majyepfo y’Ubufaransa, ndetse amutangira hafi miliyoni ebyiri z'amayero ku byo azajya akenera mu buzima bwe bwa buri munsi. Yanze gusubizwa Evra ayo mafaranga, ndeste ari yo mpamvu yatumye yitanguranwa akamurega.”
