Kuri uyu wa 20 Ugushingo 2024, nibwo i Harare muri Zimbabwe hateraniye inama ya SADC yemeza ko igiye kongera manda y'umwaka umwe ku butumwa bw'ingabo zabo ziri muri Congo-Kinshasa.
Ingabo za SADC ziri muri Congo guhera mu Ukuboza 2023, aho abarimo Perezida wa Afurika y'Epfo batangaje ko iyi manda ikwiye kongerwa ndetse bashimira abasirikare bari muri ubu butumwa ubutwari bwabo.
Uyu muryango wagaragaje impungenge ku izamba ry’umutekano muri RDC, unamagana "kuba agahenge ko guhagarika imirwano kari karemejwe muri Kanama karishwe."
SADC yaboneyeho isaba M23 na FARDC gushyira mu bikorwa ibyo guhagarika imirwano biyemeje mu masezerano ya Luanda na Nairobi.
Mangingo aya imirwano irakomeje hagati ya FARDC na M23, aho uyu mutwe ukomeje kwigarurira ibce bigari bitandukanye byo muri Teritwari zo muri Kivu 'Amajyaruguru n'Amajyepfo.
