Uyu munya-Portugal w’imyaka 40 amaze imyaka irenga 20 asatira izamu kandi akomeza kubikora ku muvuduko utangaje.
Dore uduhigo amaze gushyiraho muri UEFA Champions League
Ronaldo ni we mukinnyi wa mbere mu mateka wegukanye UEFA Champions League inshuro eshanu (5), akaba kandi ari we uyoboye mu bintu byinshi bijyanye n’iri rushanwa rikomeye ku mugabane w’i Burayi:
Ni we mukinnyi ufite imikino myinshi mu marushanwa ya UEFA (197),
Ibitego byinshi mu marushanwa ya UEFA (145),
Ibitego byinshi muri UEFA Champions League (140),
Ibitego byinshi mu mwaka umwe wa Champions League: 17 mu 2013/14,
Ibitego byinshi mu mikino yo gukuranamo (knockout stages) – 67,
Yayoboye urutonde rw’abatsinze ibitego byinshi muri Champions League inshuro 7 zitandukanye,
Ni we mukinnyi wakinnye imikino myinshi ya UEFA Champions League – 183,
Intsinzi 5 mu mikino ya nyuma ya Champions League 5,
Ni we mukinnyi wenyine watsinze mu mikino ya nyuma 3 ya Champions League,
Umwe mu bakinnyi babiri batsinze igitego mu mikino yose 6 yo mu itsinda,
Ni we wenyine watsinze mu mikino 11 ikurikirana ya Champions League,
Yegukanye igihembo cy’umukinnyi mwiza w’umwaka wa UEFA inshuro 4,
Yagaragaye mu Ikipe y’Umwaka ya UEFA.COM inshuro 15.
Amateka mu Ikipe y’Igihugu ya Portugal
Cristiano Ronaldo ni ikirangirire mu gihugu cye cya Portugal, aho yamaze guca uduhigo twinshi mu mikino mpuzamahanga, cyane cyane mu marushanwa ya UEFA Euro n’igikombe cy’isi (World Cup):
Yitabiriye imikino ya nyuma ya Euro inshuro 6 (2004–2024),
Yayikinnye inshuro 30, ni we wa mbere mu mateka,
Yakinnye imikino 74 yose irimo n’amajonjora ya Euro,
Yatsinze ibitego 14 mu mikino ya nyuma ya Euro, akaba uwa mbere,
Yatsinze ibitego 55 muri Euro yose hamwe n’amajonjora,
Yatsinze mu marushanwa 5 atandukanye ya Euro,
Ni we mukinnyi wenyine watsinze hat-trick (ibitego 3) inshuro nyinshi muri Euro (2012, 2016, 2020),
Ni we mukinnyi wenyine watsinze igitego muri World Cup eshanu zitandukanye,
Afite hat-trick 10 mu mikino mpuzamahanga, akaba uwa mbere mu bagabo,
Yabaye umukinnyi wa mbere mu mikino ya nyuma ya Euro na World Cup hamwe (52),
Yatsinze ibitego 22 mu mikino ya nyuma ya Euro na World Cup – ari we wa mbere,
Afite imikino mpuzamahanga myinshi ku isi (221),
Ni we ufite ibitego byinshi mu mateka y’amakipe y’ibihugu: 138.
Kugeza ubu Cristiano Ronaldo amaze gushyiraho uduhigo dutandukanye turimo kuba ari we mukinnyi w'umupira w'amaguru winjiza amafaranga menshi, gusa twibanze ku duhigo tw'ibijyanye n'ibyo yakoze mu kibuga.
