Ibinyujije ku mbuga zayo nkoranyambaga, ikipe ya Gasogi United yamaze gutangaza ko yatandukanye n'abatoza babiri bakomoka muri Misiri.
Gasogi United yashimiye Mohamed Adel wari umutoza mukuru na Bahaaeldini Ibrahim wari umwungiriza we nyuma y'imikino irindwi ya shampiyona y'ikiciro cya mbere mu Rwanda imaze gukinwa.
Mu minsi ishize nibwo Mohamed Adel yari yagaragaye ku rutonde rw'abatoza batatu CAF yari yatangaje ko yabahagaritse imyaka itanu kuko babonye ibyangombwa mu nzira zitemewe, ariko nyuma byagaragaye ko ari undi mutoza witiranwa n'uyu mugabo.
Ubu aba batoza bagiye basize Gasogi United ku mwanya wa gatandatu n'amanota icumi mu mikino itandatu bamaze gukina, bakaba bagiye nyuma yo gutsindwa na AS Kigali mu mukino wabaye kuri iki Cyumweru.
Uyu mutoza wari wavuye mu ikipe ya Musanze FC mu 2020 yagarutse mu Rwanda mu ntangiro za shampiyona ya 2022-2023 ariko bagiye batoje imikino itandatu gusa.
Gasogi United yashimiye abari abatoza bayo
