Ishyirahamwe ry'umupira w'amaguru muri Afurika (CAF) ryasabye imbabazi abafatanyabikorwa mu mupira w'amaguru nyuma yuko umukino wa kimwe cya kabiri kirangiza mu gikombe cya Confederation utabaye nyuma yuko ikipe ya RS Berkane yanze gukona ku Cyumweru gishize.
Iyi kipe yo muri Morocco yahisemo kutajya mu kibuga mbere gato y'umukino na Usm Alger uba, nyuma yuko abategetsi bo muri Algeria bababujije iyi kipe gukina bambaye imyamabaro yabo iriho karita y’igihugu cyabo.
Ku ikubitiro, CAF yategetse abayobozi muri Algeria gusubiza iyi kipe ya RS Berkane imyamabaro yayo yari yafatiriwe, gusa ubwo iyo kipe yageraga mu rwambariro yakubiswe n’inkuba nyuma yo gusanga nta n’umwenda wo kubara inkuru urimo, ari na byo byatumye bahitamo kutambara indi myambaro bakanga no kujya mu kibuga.
Mu itangazo ryashyizwe ku rubuga rwa CAF, yavuze ko iki kibazo kizoherezwa mu nzego zibishinzwe kugira ngo zifate icyemezo, ndetse bakanasaba imbabazi abafana.
