Abana bongeye guhuza Jennifer Lopez na Ben Affleck

Abana bongeye guhuza Jennifer Lopez na Ben Affleck

 Jun 13, 2024 - 21:20

Mu gihe urukundo n'umubano wa Jennifer Lopez na Ben Affleck bikomeje kugenda bigana mu manga, muri iki cyumweru bongeye kugaragara bari kumwe kubera umuhungu wabo.

Nyuma yuko havuzwe ibihuha by’uko umuhanzikazi Jennifer Lopez n’umugabo we Ben Affleck batandukanye ndetse bakanagurisha inzu yabo aho babanaga, amaherezo bombi bongeye guhurira mu birori by’umuhango.

Ikinyamakuru TMZ cyasobanuye ko ku wa Gatatu ushize Jennifer na Ben bashyize ku ruhande ibyo babpfa bakitabira ibirori byo gutanga impamyabumenyi y’amashuri abanza ku muhungu wabo witwa Samwel.

Ababombi bikitwa umugore n’umugabo, nubwo bitabiriye uyu muhango baracyafite imipaka hagati yabo, ndetse ubu ntibikiri ibanga nyuma yo kwanga kwifotozanya muri ibyo birori.

Icyakora, uyu muhanzikazi w’imyaka 54 n’umugabo we wimyaka 51, nubwo bigaragara ko urukundo rwabo rwarangiye, ariko n’ubundi baracyashyira benshi mu rujijo cyane ko bacyambaye impeta z’ubukwe bwabo.

Twabibutsa ko bombi batangiye umubano mu 2002 bagatandukana bwa mbere mu 2004, ariko muri Nyakanga 2021 bongera kubyumva kimwe ku buryo mu 2022 barushinze.