Vinicius Junior yabanje kugorwa no kwibona mu mikinire ya Real Madrid ubwo yari akiyigeramo, gusa kuri ubu ni umwe mu bakinnyi bifuzwa n'abatari bake.
Uyu musore w'imyaka 23 amaze gukinira Real Madrid imikino 235 ayitsindira ibitego 63 ndetse anatanga imipira 67 yavuyemo ibitego, kuva yayigeramo mu 2018.
Vinicius yabaye umwe mu nkingi za mwamba za Real Madrid mu myaka mike ishize ayifasha gutsinda imikino itandukanye, dore ko ari nawe watsinze igitego kimwe rukumbi cyatumye iyi kipe itsinda Liverpool ku mukino wa nyuma wa UEFA Champions League mu 2022.
Kuri ubu uyu munya-Brazil yongereye amasezerano muri Real Madrid, izashaka kumutwara atumvikanye nayo akaba azasabwa gutanga miliyari y'amayelo.
Vinicius yongereye amasezerano muri Real Madrid
