Ikipe ya Real Madrid yongeye gutangaza ko hari abandi bantu batanu banduye Covid-19 barimo Gareth Bale ndetse n'umuhungu wa Carlo Ancelotti witwa Davide.
Ubutumwa iyi kipe yashyize hanze bwavugaga ko abarimo Marco Asensio, Gareth Bale, Andriy Lunin, Rodrygo ndetse n'umutoza wungirije witwa Davide Ancelotti bose banduye Covid-19.
Ubwo butumwa bwavugaga buti:"Real Madrid CF iremeza ko abakinnyi bacu Bale, Asensio, Lunin na Rodrygo ndetse n'umutoza wa mbere wungirije ushinzwe tekiniki Davide Ancelotti banduye Covid-19."
Ubu abakinnyi n'abatoza ba Real Madrid barajya mu kato ndetse umukino wari uteganyijwe ku Cyumweru wari kubahuza na Cadiz ushobora gusubikwa nta gihindutse.
IZINDI NKURU WASOMA:
Muri Real Madrid naho Covid-19 iravuza ubuhuha
Isezerano Pierre-Emerick Aubameyang yahaye Sekuru ryamubuza kujya muri FC Barcelona iri kumwifuza
Ibi bije nyuma y'uko kuri uyu wa Gatatu iyi kipe yari yatangaje ko Luka Modric na Marcelo nabo banduye Covid-19 ndetse n'umukinnyi ukinira Real Madrid ya Basketball witwa Thomas Heurtel ndetse n'umutoza wa Basketball witwa Pablo Laso batangajwe ku wa mbere.
Ikipe ya Real Madrid yicaye ku mwanya wa mbere muri La liga n'amanota 42 aho irusha iya kabiri amanota umunani yose.
Gareth Bale ari mu banduye Covid-19(Image:Marca)
