Nk’uko ubushakashatsi bwakozwe na kaminuza ya Kansas bubivuga, buvuga ko abashakanye batijandika cyane ku mbuga nkoranyambaga bishima kurusha abasa n’abagizwe imbata n’izo mbuga.
Abashakashatsi muri iyo kaminuza babajije abashakanye barenga 300 ibijyanye no kwishima umubano wabo ndetse n’ingeso zo ku mbuga nkoranyambaga basanga abakunze kwandika ku mibanire yabo ku mbuga nkoranyambaga bakunda kwigereranya n’abandi.
Ubu bushakashatsi bugaragaza ko ibyo bibatera ishyari, kwiheba ndetse bikaganisha no ku gusenya ingo zabo. Ubushakashatsi rero bwerekanye ko kujya kure y’imbuga nkoranyambaga biganisha ku mibanire myiza kandi y’ukuri.
