Ishyaka riri ku butegetsi mu Bushinwa Chinese Communist Party(CCP) mu nama yabo yo ku rwego rw'igihugu, batangaje ko bagiye kugeza mu nteko ishinga amategeko umushinga wo kongera ingengo y'imari ishorwa mu gisirikare buri mwaka.
Iri tangazo rivuga ko hagomba kwiyongeraho 7% ku ngengo y'imari yari isanzwe, mu gihe inteko yakemeza manda ya Gatatu ya Perezida Xi Jimping.
Bikaba bitangazwa ko ingengo y'imari yari miliyoni 225 z'amadorari.
Mu myaka yashize, ingengo y’imari ishorwa mu gisirikare cy'u Bushinwa yazamutseho hafi 10% buri mwaka. Mu mwaka wa 2014 ikaba yarazamutseho 12.2%
Li Keqiang umuyobozi ucyuye igihe mu ishyaka CCP muri raporo yakoze, akaba yaravuze ko kuzamura ingengo y'imari bigangomba gukorwa kubera ko u Bushinwa bukomeje kugenda buhagarikwa kandi bugakumirwa ku ruhando mpuzamahanga.
U Bushinwa bwarahiriye kuzamura ingengo y'imari ya gisirikare
Mu nama yo ku rwego rw'igihugu mu shyaka riri kubutegetsi CCP izaterana muri iki cyumweru niho hazemerezwa iby'iyi ngengo y'imari nshya ya gisirikare ndetse na manda nshya ya Perezida Xi Jimping.
U Bushinwa buri kuzamura ingengo y'imari mu gihe ubushyamirane muri Ukraine bukomeje, aho Leta y'Amerika yakomeje kwihanangiriza u Bushinwa kudafasha u Burusiya mu ntambara na Ukraine.
Ibi biri kuba kandi hamaze igihe hari umwuka w'intambara hagati y'u Bushinwa na Taiwan, aho USA itazuyaza guha gasopo u Bushinwa ko nibutera Taiwan ko nabo bazahita bajya mu ntambara yeruye.
Nkaho ibyo bidahagije, mu minsi yashize Amerika yahanuye igipirizo cy'Abashinwa mu kirere cyayo, ishinja Abashinwa ko barimo kubakoraho ubutasi, ibintu nabyo byongereye umwuka mubi hagati y'ibihugu byombi.
