Nyuma y'amezi 6 Cristina Mackey ari mu rukundo n'umuraperi Rick Ross, uyu mukobwa yamaze gutangaza ko yatandukanye n'uyu muraperi.
Mackey yahishuye ko amaze ibyumweru bibiri atandukanye na Rick Ross
Uyu mukobwa w'imyaka 28, yatangaje ko amaze ibyumweru bibiri atandukanye na Rick Ross, mu gihe hibazwaga byinshi ku mubano wabo, kuko uyu muraperi yari amaze iminsi asohokana n'abandi bagore.
Ni ubutumwa uyu mukobwa yanyujije ku rubuga rwa Threads, avuga ko we na Rick Ross batandukanye ku bwumvikane, ndetse ko nyuma y'ubwo butumwa, atazongera kubivugaho mu itangazamakuru.
Mu Kuboza umwaka ushize ni bwo Cristina Mackey yari yatangaje ko ari mu rukundo na Rick Ross
Rick Ross na Cristina Mackey batangiye gukundana mu mwaka ushize, ariko by'umwihariko bishyirwa ku mugaragaro n'uyu mukobwa, wabitangaje anyuze ku mbuga nkoranyambaga ze mu Kuboza muri uwo mwaka.
