Kuri uyu wa mbere tariki 13 Gicurasi 2024 nibwo urwego rw'ubugenzacyaha RIB rwatangaje ko rwataye muri yombi uwitwa Barikana Eugene wari umudepite mu Nteko Ishinga Amategeko, akurukiranyweho gutunga intwaro mu buryo bunyuranyije n'amategeko.
RIB yatangaje ko uyu Barikana Eugene, we avuga ko yazitunze akibana n'abasirikare akibagirwa kuzisubiza.
Ukurikiranyweho iki cyaha akaba afungiye kuri sitasiyo ya RIB ya Remera, mu gihe iperereza rigikomeje ngo hagaragazwe uburyo yazibonyemo n'impamvu yari azitunze atabyemerewe n'amategeko.
RIB iributsa kandi abaturaRwanda ko gutunga intwaro bifite amategeko abigenga. Unyuranyije na yo uwo ari we wese aba akoze icyaha kandi akurikiranwa nk'uko amategeko ahana mu Rwanda abiteganya.
