Kuri uyu wa Kabiri ibitero bikomeye by'u Burusiya byakomeje mu mugi itandukanye ya Ukraine haraswa ibikorwaremezo bya gisirikare n'ibitanga ingufu.
Ukraine yatangaje ko u Burusiya bwakoze ibitero 91 harimo misile 10 na dorone 81 ku migi itandukanye, aho Zelensky yatangaje ko bagomba kwihorera vuba.
Ku munsi w'ejo, nabwo u Burusiya bwari bwakoze igitero cya misile zirenga 100 na dorone 100 ku migi irimo na Kyiv, aho ibikorwaremezo byashyizwe hasi.
Ku rundi kandi, Zelensky aratangaza ko mu Ntara ya Kursk yo mu Burusiya bamaze kwigarurira imidugudu 100 iri kuri Km² 1,250 mu byumweru bitatu bagabye ibitero muri iyi ntara.
Umugaba Mukuru w'Ingabo za Ukraine Oleksandr Syrsky aratangaza ko bamaze gufata bugwate abasirikare 594 b'u Burusiya nk'uko BBC ibitangaza.
Perezida Vladimir Putin akomeje gusuka ibibombe ku migi ya Ukraine
Perezida wa Ukraine Volodymyr Zelenskyy yabuze ayo acira n'ayo amira kubera ibitero by'u Burusiya
