Uyu mugore witwa Nellie, yazamuye impaka ndende ku mbuga nkoranyambaga nyuma yo gushyira hanze amafoto ari kumwe n'abo bagabo avuga ko bose bamaze imyaka itatu babana mu nzu imwe kandi babanye neza.
Mbere y'uko ashaka aba bagabo bose, Nellie yahoze afite umugabo umwe aza kugira ibyago yitaba Imana azize impanuka y'imodoka.
Nyuma yo gupfusha uwo mugabo bari bamaranye imyaka umunani bafitanye n'abana, yaje guhita yishumbusha umuvandimwe w'umugabo we witwa Hassan, nyuma aza guhita ashaka n'abandi babiri bitwa Jimmy na Danny.
Nellie avuga ko we n'abagabo be babana mu nzu imwe kandi babanye neza nta mwiryane, ni inshuti kandi barubahana. Avuga ko kwizerera mu rukundo no kwizerana nibyo bikomeza umubano wabo.
Mu buryo bw'imibanire yabo, Nellie agerageza kubitaho bose nta busumbane bubayeho, gusa buri mugabo afite icyumba cye n'umugore akagira icye wenyine.
Ubusanzwe uyu mugore ni umucurizi w'imodoka, aho azirangura i Dubai akaza kuzicururiza muri Tanzania. Aka kazi akora akaba ariko kamufasha gutunga umuryango kuko abo bagabo bose nta n'umwe ufite akazi.
Nellie n'abagabo be batatu
