Muri iyi nkuru reka turebere hamwe ibihugu bimaze kubona itike yo kuzakina igikombe cy'isi cya 2026.
Africa: Amakipe 53 niyo yitabiriye imikino yo gushaka itike y'igikombe cy'Isi cya 2026 ku mugabane wa Afurika, ariko kugeza ubu nta kipe nimwe irabona itike.
Amakipe agabanyije mu matsinda icyenda, buri tsinda rigizwe n'amakipe atandatu. Izaba iya mbere muri buri tsinda izahita ibona itike ako kanya, icyakora nyuma hazarebwa amakipe ane yitwaye neza ahatane havemo imwe izahagararira Afurika muri Inter-confederation play-offs na yo izatanga itike y'igikombe cy'Isi.
Amakipe azahagararira Afurika azabamenyekana bitarenze tariki 16 Ukwakira 2025.
Asia: Iran, Uzbekistan, South Korea, Jordan, Australia, Japan niyo amaze kubona itike. Kuri uyu mugabane amajonjora azatangira tariki 18 Ugushyingo 2025.
Europe: Kuri uyu mugabane kimwe no muri Afurika nta kipe irizera kuzakina igikombe cy'Isi cya 2026, uyu mugabane wemerewe gutanga amakipe 16 ashobora no kurenga mu gihe hari ikipe yaho yakitwara neza muri Inter-confederation play-offs.
North, Central America and Caribbean Association Football (Concacaf): Aya makipe atatu niyo yamaze kumenyekana ko azahagararira iki gice akaba ari nayo azakira iyo mikino muri Leta Zunze Ubumwe z'Abanyamerika, Mexico na Canada.
Oceania: New Zealand, iki gihugu cyabonye itike nyuma yo gutsinda New Caledonia ibitego bitatu ku busa (3-0).
South America: Argentina, Brazil na Ecuador. Ibi bihugu biziyongeraho ibindi bitatu ariko bishobora no kurenga kuko hari n'ibishobora kubona amatike yabyo binyuze mu mikino ya kamarampaka y'amakipe ahagarariye amashyirahamwe agize FIFA.
Igikombe cy'Isi cyizatangira tariki 11 Kamena 2026, umukino wa mbere ukazakinirwa muri Mexico mu gihe uwo gusoza uzabera New Jersey muri Lata Zunze Ubumwe za Amerika tariki 19 Nyakanga 2026.
