Ni inkuru yabaye kimomo mu bitangazamakuru bikomeye muri Amerika birimo TMZ, aho bitangaza ko byamaze kwemezwa ko ubu bukwe buzaba muri Kamena 2025 bukazabera mu Butariyani. Biravugwa ko Hoteli zizaberamo ubu bukwe zizakoreshwa kuva tariki 26 kugeza 29 Kamena 2025.
Ibi binyamakuru bitandukanye bivuga ko ubu bukwe buzatwara akayabo ka miliyoni 500 z’amadorari, ndetse kuri ubu urutonde rw’ibyamamare byatumiwe rwamaze kujya hanze kandi n’impapuro z’ubutumire zatangiye gutangwa.
Bamwe mu byamamare bigaragara kuri urwo rutonde harimo Kim Kardashian, Katy Perry, Kris Jenner, Orlando Bloom n’abandi.
Icyakora kugeza ubu yaba Jeff Bezos cyangwa umukunzi we nta numwe uremeza niba koko aya amakuru ari impamo, dore ko ubwo byahwihwiswaga mu mpera za 2024 Bezos yabiteye utwatsi avuga ko ari ibinyoma ndetse asaba abantu ko badakwiye kwizera buri kintu babonye ku mbuga nkoranyambaga.
Uyu muherwe w’imaka 61 n’umukunzi we w’imyaka 56 y’amavuko, batangiye kuvugwa mu rukundo mu mwaka wa 2019 gusa baza kubyemeza ku mugaragaro nyuma y’uko bose bamaze gutandukana n’abo bari barashakanye mbere, mu 2023 Bezos aba aribwo amwambika impeta.
Jeff Bezos n'umukunzi we bagiye gukora ubukwe
