Mu kiganiro n’abanyamakuru nyuma y’umukino, Ancelotti yavuze ko Modric akwiye kwemererwa kuva muri iyi kipe ku bushake bwe ndetse amugereranya n’umunyabigwi wamamaye mu ikipe ya AC Milan, Paolo Maldini.
Ancelotti yabwiye abanyamakuru ati: “Modric ni impano ku mupira w’amaguru. Agomba kuguma muri Real Madrid igihe cyose abishakiye. Ibyo akora abikora neza cyane. Twagize amahirwe yo kugira umunyabigei natwe.”
Luka Modric aracyari ingenzi muri Real Madrid n'ubwo arimo gusatira imyaka 40
"Nari mfite undi mukinnyi w’imyaka 40, wari Maldini. Bombi bashobora kugereranywa uko umukinnyi w’umupira w’amaguru agomba kuba. Ni ingero nziza. Ntabwo ari amahirwe ku a baragejeje ku myaka 40. Bibari mu maraso, ariko na none kubera gushyira imbaraga, n’imyifatire.”
Modric w’imyaka 39, yatwaye ibikombe 28 kuva yagera muri iyi kipe yo muri Espagne mu 2012, mu gihe amasezerano ye byari biteganyijwe ko azarangira mu mpera z’uyu mwaka w’imikino.
Nyuma yo gutsinda Girona muri shampiyona, Real Madrid irahura na Real Sociedad mu mukino ubanza wa kimwe cya kabiri kirangiza cya Copa del Rey ku wa Gatatu, mbere yo gukina na Real Betis mu mukino wa shampiyona uzaba ku ya 1 Werurwe.
