Umunyarwanda yongeye kwitwara neza kuri uyu wa mbere mu gace ka gatatu ka Tour du Cameroun.
Abasiganwa bahagurutse Obala berekeza Ndikinimeki ku ntera ya Kirometero 148.5. Maatougui Eddine ukinira ikipe y'igihugu ya Maroc niwe wabaye uwa mbere akoresheje amasaha 3, iminota 36 n'amasegonda 44.
Mugisha Moise na Nzafashwanayo Jean Claude bakinira ikipe y'igihugu y'u Rwanda baje bakurikiranye, barushanwa amasegonda abiri n'uwa mbere.
Muhoza Eric yaje ku mwanya wa 5 arushwa amasegonda 5 n'uwa mbere, Tuyizere Etienne yabaye uwa 20 akurikirwa na Munyaneza Didier bose barushwa umunota umwe n'amasegonda 18 n'uwa mbere. Niyonkuru Samuel niwe washoreje abanyarwanda aho yaje ku mwanya wa 22, nawe anganya iminota na Didier.
Ubu urutonde rusange nyuma y'iminsi 3 Graczk, Vincent ukinira ikipe y'ubufaransa niwe wa mbere aho amaze gukoresha amasaha 9, iminota 12 n'amasegonda 16. Agakurikirwa na Tientcheu Michel ukini Velo Club Cameroun, aho amurusha amasegonda 11.
Umunyarwanda uza hafi ni Munyaneza Didier uri ku mwanya wa 6, aho arushwa umunota umwe n’amasegonda 7. Ku munsi w’ejo, Abasiganwa bakina agace ka Kane aho bazahagurukira Bangangté berekeza Bangangté intera izaba ingana na Kirometero 129
