Ikipe ya APR FC yafashe urugendo igaruka mu Rwanda nyuma yo gutsindwa na US Monastir mu mukino wa CAF Champions league wabereye muri Tunisia ku Cyumweru.
APR FC yatsinzwe na US Monastir ibitego bitatu mu mukino wo kwishyura, nyuma y'uko yari yatsinze 1-0 mu mukino wabereye i Huye ariko bitagize icyo bitanga.
APR FC igarutse mu Rwanda mu gihe shampiyona nayo yabaye isubitswe kubera imikino mpuzamahanga y'amakipe y'ibihugu.
Mu gihe andi makipe amaze gukina imikino itatu ya shampiyona, APR FC yo yakinnye umwe gusa yatsinzemo Musanze FC mu gihe indi ibiri yasubitswe ubwo yakinaga imikino ibiri na US Monastir.
