Umutoza ugiye gutoza Manchester United yamenyekanye

Umutoza ugiye gutoza Manchester United yamenyekanye

 Nov 24, 2021 - 03:29

Ikipe ya Manchester United ikomeje ibiganiro na Ernesto Valverde ngo ayibere umutoza w'agateganyo.

Ikipe ya Manchester United ubu yamaze gutangira ibiganiro na Ernesto Valverde wahoze atoza ikipe ya FC Barcelona ngo ayibere umutoza w'agateganyo.

Ernesto Valverde watoje FC Barcelona(Image:The independent)

Manchester United iherutse gutandukana na Ole Gunnar Solskjaer wayitozaga ndetse wanayikiniye nyuma yo gutsindwa na Watford ibitego 4-1 mu mpera z'icyumweru gishize.

Nyuma yaho gato iyi kipe ya Manchester United yatangaje ko izashyiraho umutoza w'agateganyo uzatoza iyi kipe akageza mu mpeshyi mu 2022 hagashakwa undi mutoza.

Nk'uko tubikesha ikinyamakuru The guardian, ikipe ya Manchester United yatangiye ibiganiro na Ernesto Valverde umunya-Espagne w'imyaka 57.

Ndetse uyu Valverde bivugwa ko nawe yahise ajya mu biganiro na John Murtough ku buryo nawe yajya muri iyi kipe akaba akora akazi ka football director ndetse ngo ashobora kuba yaratangiye kureba abakinnyi yakongera muri Manchester United.

Valverde yatoje Messi muri FC Barcelona(Image:90Min)

Manchester United yizeye ko ubunararibonye bwa Ernesto Valverde yagize ubwo yatozaga Lionel Messi muri FC Barcelona bwamufasha no gutoza  Cristiano Ronaldo.

Valverde nta kazi afite kuva yakwirukanwa muri FC Barcelona mu 2020.Yatwaye La liga ebyiri muri iyi kipe ariko akibukirwa cyane ku gutsindwa na Liverpool mu 2018 mu mikino ya kimwe cya kabiri muri champions League ubwo yahise imusezerera kandi yari yayitsinze ibitego 3-0 mu mukino ubanza.