Bahawe akayabo! Manchester City mu byishimo byinshi nyuma yo gukuraho agahigo ka mukeba

Bahawe akayabo! Manchester City mu byishimo byinshi nyuma yo gukuraho agahigo ka mukeba

Rudahara Avithe Rudahara Avithe  Jul 15, 2025 - 15:34

Ikipe ya Manchester City ikomeje kwandika amateka muri ruhago y’u Bwongereza nyuma yo gusinya amasezerano mashya y’ubufatanye na sosiyete ikora imyenda ya siporo ya Puma, amasezerano afita agaciro kangana na miliyoni 100 z’ama-pound buri mwaka, ni ukuvuga arenga miliyari 194.4 Frw buri mwaka.

Aya masezerano azamara imyaka 10, bivuze ko yose hamwe azagera kuri miliyari 1,944.5 Frw (hafi ya tiriyoni 1.9 Frw), akaba abaye amasezerano y’imyenda ya siporo ahenze kurusha andi yose mu mateka ya shampiyona y’u Bwongereza (Premier League).

Aya masezerano mashya yatumye Manchester City ijya imbere ya Manchester United, yari isanzwe ifite amasezerano ya miliyoni 90 z’amapawundi buri mwaka (angana na miliyari 175 Frw) na Adidas.

Puma yari isanzwe ari umufatanyabikorwa wa Manchester City kuva mu 2019, ariko kuri iyi nshuro bemeye kongera amafaranga ku rugero rurenze cyane urwo bari basanzwe batanga, bituma iyi sosiyete ikomeza kuba umwe mu bafatanyabikorwa bakomeye ba City.

Aya masezerano aje mu gihe iyi kipe imaze imyaka yitwara neza ku rwego mpuzamahanga, aho yatwaye ibikombe bya Premier League inshuro enye yikurikiranya, ndetse ikaba ifatwa nka kimwe mu bigugu ku isi muri ruhago y’iki gihe.

Manchester City yahawe akayabo na Puma