Mu ntangiro z'uyu mwaka w'imikino Nizigiyimana Karim Mackenzie ni umwe mu bakinnyi bakoze igeragezwa muri Rayon Sports, ndetse ahabwa amasezerano y'umwaka umwe.
Havuzwe byinshi ku masezerano y'uyu mugabo aho bivugwa ko yanayahawe umutoza Masudi Djuma atabishaka, ariko ni umwe mu bahetse Rayon Sports muri iyi minsi.
Nyuma yo kubona umusaruro ari gutanga muri shampiyona , Ubuyobozi bwa rayon Sports bumaze iminsi buganiriza uyu myugariro ndetse bikaba birimo kugenda.
Nyuma yo gutangira ibiganiro n'uyu myugariro yagaragarije ubuyobozi ko yiteguye kuguma muri Rayon Sports agakomeza kuyifasha no mu myaka iri imbere.
Nizigiyimana Karim yahawe n’ubuyobozi bwa Rayon Sports amasezerano y’imyaka ibiri ndetse na Miliyoni 10 z’amanyarwanda mu gihe umwaka ushize yari yasinye umwaka umwe agahabwa miliyoni 3 z’amanyarwanda.
Nizigiyimana Karim Mackenzie wamaze gusezera mu ikipe y’igihugu y’u Burundi , yakiniye amakipe arimo APR FC, Kiyovu Sports , Gormahia na Rayon Sports yagarutsemo.
Mackenzie yasinye umwaka umwe mu ntangiro z'uyu mwaka w'imikino(Image:The New Times)
Mackenzie akomeje gufasha Rayon Sports cyane(Image:Rwanda magazine)
