Uyu rutahizamu w'Amavubi yari amaze imyaka ine mu ikipe ya Simba SC, ariko yabihiwe n'imyaka ibiri ya nyuma kuko atabonye umwanya uhagije wo gukina.
Nyuma yo gutandukana n'ikipe ya Simba SC nayo yo muri Tanzania, kuri uyu wa Kane Meddie Kagere yerekanwe mu birori byo kwerekana abakinnyi b'ikipe ya Singida Big Stars izakoresha mu mwaka w’imikino wa 2022-23 mu birori byiswe Singida Big Day aho bakinnye n'ikipe ya Zanako yo muri Zambia.
Kagere Meddiw yahamagawe nk’umukinnyi mushya w’iyi kipe bitungura benshi, bamwakirana amashyi menshi maze arasohoka ageze hanze arapfukama asoma ubutaka.
Meddie Kagere kandi yajyanye na myugariro Pascal Wawa bakinanaga muri Simba SC, ndetse basangayo Ndemla na we bakinanye muri Simba SC.
Umwaka wa mbere wa Kagere Meddie muri Simba SC 2018-19, Meddie Kagere yatsinze ibitego 23 muri shampiyona. Umwaka wakurikiyeho wa 2019-20 yatsinze ibitego 22, ndetse muri iyo myaka ibiri aba rutahizamu waruahije abandi ibitego muri shampiyona. Umwaka 2020-21 yatsinze 13, 2021-22 aho atanakinnye imikino myinshi yatsinze ibitego 7.
Kagere Meddie yerekanwe muri Singida
Simba SC yasezeye kuri Kagere Meddie
