Arsenal igiye gukora agashya itakoze mu myaka 9 ishize

Arsenal igiye gukora agashya itakoze mu myaka 9 ishize

 Nov 19, 2021 - 04:56

Mu mpera z'iki cyumweru nibwo hari umukino Liverpool irakiramo ikipe ya Arsenal.

Ikipe ya Arsenal imaze imyaka 9 itajya ku kibuga cya Liverpool kitwa Anfield ngo iyitsindireyo mu mikino ya Premier League.Bivuze ngo muri iyo myaka nta ntsinzi yo kwa Liverpool Arsenal izi, ariko ngo uyu niwo mwanya wo guhindura amateka.

Muri Arsenal bizeye ko mu mpera z'iki cyumweru aribwo barashyira akadomo kuri iyo mikino 9 bakinnye mu myaka 9 ikurikirana nta ntsinzi.

Abari babanjemo ubwo Arsenal iheruka gutsindira Liverpool iwayo(Net-photo)

Umutoza wa Arsenal Mikel Arteta ubwo baheruka gutsinda Liverpool iwayo yari yabanje mu kibuga hagati akinana na Abdou Diaby. Ba myugariro bari Carl Jenkinson,Per Mertesacker,Thomas Vermaelen na Kieran Gibbs.

Uwitwa Vito Mannaone niwe wari mu izamu. Afatanyije na ba myugariro be babashije guhagarika Luis Suarez,Steven Gerrard na Raheem Sterling umukino urangira nta gitego batsinzwe.

Arsene Wenger yari yahisemo ko umwataka aba Olivier Giroud, mu gihe inyuma ye hari abagabo batatu aribo Santi Cazorla,Lukas Podolski na Alex Oxlade-Chambarlain.

Umukino warangiye Arsenal itsinze ibitego 2-0 n'ubwo umwaka w'imikino wakurikiyeho Liverpool yihoreye nayo igatsinda Arsenal ibitego 5-1.

Mu myaka ibiri ishize Arsenal ijya gusura Liverpool bikarangira itsinzwe ibitego 3-1 byisubiramo.

Arsenal irahindura amateka i Anfield(Image:Net-photo)

Ikipe ya Liverpool umukino wa Premier League uheruka yatsinzwe na West Ham United ibitego 3-2 ikaba iraza kuba igerageza kudatsindwa imikino ibiri ikurikirana.

Naho abahungu ba Mikel Arteta bo ngo baraza kuyifatirana ikiri mu gihe cy'intsinzwi nabo bahindure ayo mateka amaze imyaka 9.

Kuri uyu wa Gatandatu saa 19:30 nibwo umukino Liverpool irakiramo Arsenal uraba utangiye aho urasifurwa na Michael Oliver.