Kuri uyu wa Gatandatu tariki ya 13 Nyakanga 2024, Donald Trump wabaye Perezida wa 45 wa Leta Zunze Ubumwe za Amerika guhera mu 2016 kugera mu 2020, yarasiwe mu Pennsylvania ubwo yari mu bikorwa byo kongera kwiyamamariza kuyobora iki gihugu.
Trump yarashwe ubwo yarimo avuga ijambo, umusore umwe w'imyaka 20 witwa Thomas Matthew ahita amunguriraho umuriro w'amasasu ariko amuhusha ugutwi, icyakora yica undi muntu umwe undi arakomereka.
Ako kanya umwe mu bashinzwe umutekano wo muri Secret service urwego rushinzwe gucunga umutekano w'abayobozi bakuru muri Amerika yahise arasaThomas ahita ahasiga ubuzima.
Urwego rw'ubutasi muri Leta Zunze Ubumwe za Amerika rwa FBI, rwatangaje ko uwo musore yari agambiriye kwivugana Trump, bemeza ko iperereza rikomrje.
Perezida Joe Biden, yamaganye iraswa rya Trump asaba Abanyamerika guhaguruka bose bakamagana iryo raswa, avuga ko ibyo ntaho bikwiye kuba ku butaka bwa Amerika, asaba abaturage bose kunga ubumwe.
Kuri ubu amakuru agezweho, ni uko Donald Trump, yasubiye iwe mu rugo muri New Jersey nyuma yo kuvanwa mu bitaro, ndetse akaba ameze neza ntakibazo.
Trump na Biden, bakaba bazongera guhatana mu matora y'Umukuru w'Igihugu ategerejwe mu Ugushyingo muri uyu mwaka.
