Kuri gicamunsi cyo kuri uyu wa Gatatu, nibwo ku mbuga nkoranyambaga hatangiye gukwirakwira amashusho y'iturika ridasanzwe ku nzu y'umukuru w'igihugu mu Burusiya Kremlin iri mu murwa mukuru Moscow.
Umuvugizi wa Kremlin Dmitry Peskov yatangaje ko mu ijoro ryakeye iribwo iki gitero cya drone cyagabwe ku nzu y'umukuru w'igihugu ya Kremlin kigambiriye Perezida Vladimir Putin nk'uko yabitangarije ikinyamakuru RIA.
Kremlin inzu y'umukuru w'igihugu mu Burusiya yagabweho igitero
Kremlin ikaba yahise ishinja Ukraine kugaba igitero cy'iterabwoba mu Burusiya.
Nubwo iki gitero cyagabwe, Peskov yatangaje ko izo drone zahanuwe zigeze hejuru y'inyubako ya Kremlin zigasandazwa zitararekure ibisasu byazo kandi ubwo byasandaraga bikaba ntawe byahitanye.
Ku ruhande rwa Ukraine, Umuvugizi w'ibiro by'umukuru w'igihugu Mykhailo Podolyak yavuze ko iby'icyo gitero ntacyo babiziho. Ibi akaba yabitangarije Reteurs y'Abongereza.
Iki gitero cy'iterabwoba nk'uko u Burusiya bubivuga, giteguwe mu gihe u Burusiya buri kwitegura kwizihiza ibirori bihambaye by'intsinzi ihambaye mu ntambara ya kabiri y'isi ubwo Abasoviyeti bantsindaga Abanazi.
Inzu ya Kremlin yagabweho igitero na Ukraine
Ku bw'ibyo, ibi birori bikaba biba ku wa 09 Gicurasi buri mwaka.
Bikaba byatangajwe ko ubwo iki gitero cyagabwaga Vladimir Putin yari mu gace ka Novo Ogaryovo atarari muri Kremlin ndetse aha muri aka gace akaba yari yagiye kureba uko imyiteguro yo kwizihiza uyu munsi w'intsinzi uri gutegurwa.
Vladimir Putin yarusimbutse
Ibi bitero bya Ukraine i Kremlin bibaye mu gihe intambara ibahanganishije igeze ku munsi wa 433 ari nako impande zose ziri kugaba ibitero simusiga.
