Ni inama yanzuye ahanini gufasha Ukraine ikigobotora igitugu cya Putin n’ingabo ze.
Ni inama yari yitabiriwe n’ingeri zitandukanye mu bayobozi barimo na perezida wa America Joe Biden.
Iyi nana yari yitabiriwe n’abagize umuryango w’ubumwe bw’ibihugu by’Uburayi na America NATO, ibihugu birindwi bikize byishyize hamwe G7 n’ibihugu byo mu muryango w’ubumwe bw’uburayi EU.
Imwe mu myanzuro yahafatiwe.
Abayobozi ba NATO bemeye kongera ingufu za gisirikare mu birindiro by’iburasirazuba bw’ubumwe mu nama yihutirwa yabereye i Buruseli.
- Ibi bihugu byombi byanzuye ko bigomba gukaza umutekano, by’umwihariko mu burasirazuba bw’uburayi kugirango babashe guhangana na Putin. Ibi bihugu byanzuye ko bizifashisha ibindi bihugu bituranyi by’Uburusiya birimo Slovakia, Bulgaria, Romania na Hungary kugirango babashe kugenzura ibikorwa bya Putin n’ingabo ze maze byorohe gufasha Ukraine muri iyi ntambara.
- umunyamabanga mukuru wa NATO, Jens Stoltenberg yaburirye Uburusiya ko ibitwaro kirimbuzi ndetse by’ubumara bakoresha batera Ukraine, bishobora kugira ingaruka mbi kuri NATO yose. Bityo ibihugu binyamuryango bitazigera bikomeza kurebera Putin akora amahano.
- Perezida wa Leta Zunze Ubumwe z’Amerika Joe Biden yaburiye Uburusiya ko mu gihe bwakoresha intwaro z’ubumara muri Ukraine , USA cyangwa NATO yahita isubiza byihuse.
Ati “Twabasubiza tugendeye ku buryo babikoresheje”.
Mu nama yahuje ibihugu birindwi bikize ku Isi G-7,NATO na EU i Buruseri mu bubiligi , Perezida wa USA Joe Biden yasabye ko Uburusiya bwakurwa mu muryango w’ibihugu 20 bikize ku isi bizwi nka G-20.
Uburusiya buramutse bukuwe muri G-20, byaba bibaye ubugira kabiri kuko iki gihugu cyahoze kiri mu bari bagize G8 yaje kuba G7 nyuma yuko Uburusiya bukuwemo kubera kwigarurira intara ya Crimea mu mwaka wa 2014 ndetse mu 2017 nibwo yavanwemo bya burundu.
Ibi bihugu byihanangirije Uburusiya.
Nubwo Ubushinwa atari igihugu kinyamuryango cya NATO, G7 na EU, ntibyabujije abari mu nama kubutunga agatoki, bakabusaba kudatera inkunga iyo ariyo yose Uburusiya.
Ibi bihugu byizera ko Putin n’abura amaboko y’ibihugu bikomeye nk’Ubushinwa kandi agakomeza kotswa igitutu, ashobora kuzagana inzira y’ibiganiro by’amahoro.
- Impunzi zikomeje kwiyongera n’abapfa badasigaye.
Umuryango w’abibumbye uvuga ko muri Ukraine hiciwe abasivili barenga 1.000 kandi ko abana ari kimwe cya kabiri cy’abishwe naho miliyoni 7.5 bavanywe mu byabo.
Amerika ivuga ko izakira impunzi zigera ku 100.000 zo muri Ukraine zihunga ibitero by’Uburusiya.
Ukraine ikomeje kwirwanaho.
Perezida Volodymyr Zelenskyy arahamagarira ibihugu by’iburengerazuba bw’Isi birimo France, Uk , Canada na America ndetse n’abaturanyi bayo kuyiha ibigega, indege n'intwaro by’intambara maze igakomeza guhangana na Putin.
Abantu bakomeje kuvanwa mu byabo muri Ukraine.
