Victor Osimhen yatangiye kumurikira Galatasaray

Victor Osimhen yatangiye kumurikira Galatasaray

Rudahara Avithe Rudahara Avithe  Sep 3, 2024 - 20:19

Kuva uyu mukinnyi ukomoka muri Nigeria yakerekeza mu ikipe ya Galatasaray nk'intizanyo amaze kongerera iyi kipe miliyoni zirenga 2 z'abayikurikira ku mbuga nkoranyambaga, mu gihe Napoli avuyemo yo ikomeje gutakaza abatari bake.

Bitunguranye imbuga nkoranyambaga za Napoli zagabanutseho miliyoni 1.2 z’abakurikira iyi kipe mu masaha 24 nyuma y’uko umunya-Nigeria Victor Osimhen avuye muri iyi kipe akerekeza muri Galatasaray yo muri Turkey.

Uku kugabanuka kw’aba bantu ku mbuga nkoranyambaga za Napoli kwatewe no kuba benshi mu bakurikiraga iyi kipe ari abo muri Nigeria barekeyaho gukurikirana iyi kipe maze bagakurira Galatasaray uyu rutahizamu yerekejemo mu rwego rwo kumushyigikira.

Byongeye kandi, Napoli yakuyeho ibintu byose byagaragaragamo Osimhen ku mbuga nkoranyambaga zayo.

Ku rundi ruhande, Galatasaray yabonye ubwiyongere budasanzwe bw’abayoboke bashya barenga miliyoni 2 mu gihe kitarenze amasaha 24, ibi byatewe no kuba abakunzi ba Victor Osimhen bataranyuzwe n'uburyo iyi kipe yafashe uyu mukinnyi.