Nyuma yo gutsinda ibitego bibiri no gutanga pase yavuyemo igitego mu mukino wa nyuma wa nyuma uheruka, Doue yegukanye igihembo cya Man of the Match. Ariko nk’uko byabaye ku bandi bakinnyi babanje kuva mu mwaka wa 2019, nawe yahise agira imvune ikomeye y’imitsi, ikaba izamushyira hanze y’ikibuga igihe kirekire.
Uyu muvuno ku bakinnyi bafasha amakipe yabo kwegukana igikombe cya Champions League ukomeje gukura, dore ko kuva mu 2019 abakinnyi bose bagiye bafasha amakipe yabo kandi bagatoranywa nk’abahize abandi mu mukino wa nyuma bahuye n’ibibazo bikomeye by’imvune:
2019, Virgil van Dijk wa Liverpool yagize imvune ikomeye ku ivi yamushyize hanze amezi menshi nyuma y'umukino wa nyuma wa UEFA Champions League.
2020, Kingsley Coman muri Bayern Munich yagize imvune zikomeye zimusibya imikino mu iminsi irenga 100.
2021, N’Golo Kanté wa Chelsea yahuye n’imvune z’imitsi zamubujije gukina imikino myinshi no kwitabira amarushanwa akomeye.
2022, Thibaut Courtois wa Real Madrid yagize imvune ikomeye mu ivi umwaka wakurikiyeho.
2023 wa Rodri wa Manchester City agize imvune ikomeye mu ivi.
2024, Dani Carvajal wa Real Madrid yagize imvune ikomeye nyuma y’amezi make atsinze igitego cya mbere mu mukino wa nyuma.
2025, Desire Doue wa PSG ubu nawe yahuye n’imvune y’imitsi yo mu itako nyuma yo kwegukana igihembo cy’Umukinnyi mwiza w’umukino.
Abakunzi b’umupira batangiye kubyita “Umuvumo w’Umukinnyi mwiza w'umukino wa nyuma Champions League”, kuko buri mwaka uwegukanye icyo gihembo agenda ahura n’imvune zikomeye zizamushyira hanze y’ikibuga igihe kinini.
PSG yatangaje ko yizeye ko Doue azagaruka mu kibuga mbere y’uko umwaka urangira cyangwa bitarenze Mutarama 2026, ariko ibizamini by’ibanze bigaragaza ko imvune ye ari ikomeye ariko idasaba kubagwa.
Desire Doue yiyongereye ku bandi bakinnyi bahuye n'umwaku wa UEFA Champions League
Rodri yavunitse nyuma yo kwitwara neza ku mukino wa nyuma
