Mu gihe ikipe ya Arsenal ikomeje inkundura yo gushaka gusoza shampiyona ku mwanya wa kane, yabashije gutsinda Aston Villa mu mukino wabaye kuri uyu wa gatandatu.
Iki gitego cyatsinzwe na Bukayo Saka cyabaye igitego cya 2000 Arsenal itsinze muri Premier league, ndetse biba n'amahire kuko aricyo cyayifashije gutahukana amanota atatu imbumbe.
Kuva shampiyona y'Ubwongereza yatangira kwitwa Premier league mu 1992 Arsenal ni ikipe ya gatatu ibashije kugeza ibitego ibihumbi bibiri. Aha ni nyuma ya Manchester United imaze gutsinda ibitego 2,176 na Liverpool imaze gutsinda ibitego 2,002 aho.
Bukayo Saka ameze neza cyane muri uyu mwaka w'imikino kuko amaze ibitego 10, akaba yaranatanze imipira itanu yavuyemo ibitego.
Igitego Saka yatsinze ni igitego cya 2000 cya Arsenal muri Premier league(Net-photo)
