Nk’uko bigaragazwa na Hurun India Rich List 2025, umutungo wa Shah Rukh Khan, w’imyaka 59, ubarirwa kuri miliyari 1.4 z’amadolari ya Amerika. Ibi byatumye ashyirwa mu cyiciro kimwe n’ibyamamare mpuzamahanga nka Arnold Schwarzenegger, Rihanna, Tiger Woods, ndetse na Taylor Swift, umuririmbyi ufite umutungo ugera kuri miliyari 1.6 z’amadolari nk’uko ikinyamakuru Forbes kibitangaza.
Si Shah Rukh Khan gusa, kuko no muri Bollywood hari abandi bakinnyi b’ikirangirire basanze ku rutonde rw’abaherwe, barimo Juhi Chawla, Hrithik Roshan, ndetse na Amitabh Bachchan.
Uyu ni undi muhigo mushya kuri Shah Rukh Khan, uzwi cyane nka “King Khan”, akaba amaze imyaka irenga 30 ari umwe mu nkingi za mwamba za sinema y’u Buhinde no ku rwego mpuzamahanga.
Shah Rukh Khan yinjiye ku rutonde rw'ibyamamare bitunze miliyari y'amadorari
Shah Rukh Khan akomeje gutwara ku bitugu uruganda rwa sinema mu Buhinde
