Serumogo Ali yahumurije abafana ba Kiyovu Sports mbere yo gucakirana na Gasogi United

Serumogo Ali yahumurije abafana ba Kiyovu Sports mbere yo gucakirana na Gasogi United

Date: Apr 14, 2022 - 10:31


Visi kapiteni wa Kiyovu Sports Serumogo Ali ngo asanga nta derby iri hagati ya Kiyovu na Gasogi, kandi ngo yizeye ko uyu mwaka Kiyovu Sports izatwara igikombe cya shampiyona.

Kuri uyu wa gatanu nibwo harasubukurwa shampiyona y'ikiciro cya mbere mu Rwanda ahateganyijwe imikino itatu y'umunsi wa 23, harimo n'umukino wa Gasogi United na Kiyovu Sports ukomeje kuvugwaho amagambo menshi.

Gasogi United ni ikipe itarigeze  yorohera Kiyovu Sports kuva yatangira gukina mu kiciro cya mbere, ndetse umuyobozi wayo KNC amaze iminsi itari micye atangaza ko atakwihanganira gutsindwa n'iyi kipe iyoboye urutonde rwa shampiyona.

Myugariro wa Kiyovu Sports akaba na Visi kapiteni wayo, Serumogo Ali we avuga ko n'ubwo batigeze batsinda iyi kipe inshuro ebyiri zikurikirana, ariko ngo bagiye gukina nayo nta gitutu bafite kandi ngo bazanatwara igikombe cya shampiyona.

Ubwo yaganiraga na Youtube channel ya Kiyovu Sports, Serumogo yagize ati:"Twavuga ko match tuyiteguye neza kubera ko twari tumaze iminsi shampiyona idahari, ariko mbere yaho twakinnye igikombe cy'amahoro. Ndakeka ko ritime imaze kuza. Turabizi ko ari match ikomeye, match irimo ibintu bya debat nyinshi cyane ariko kuri twebwe twiteguye match kuri match, twiteguye guhangana ngo dutsinde iriya match.

"Nta pressure iriho kuko urebye imyaka Gasogi imaze muri première division si myinshi ku buryo wavuga ngo iri guhangana na Kiyovu, ahubwo pressure iri cyane ku bafana cyangwa ku bayobozi kuko hagati yacu mu bakinnyi mu mitegurire ndabona nta pressure cyane irimo kuko ni match twiteguye nk'uko twateguye izindi, kuko ndakeka ubu uramutse uvuze derby muri shampiyona y'u Rwanda ntabwo wazanamo derby ya Gasogi na Kiyovu. Nta derby irimo aho hagati ya Gasogi na Kiyovu, ikirimo ni gushaka amanota ikipe imwe ku yindi.

"Navuga ko nta na rimwe twigeze dutsinda Gasogi kabiri kikurikiranyije ni nayo mpamvu match ikomeye kuko urabona ko akenshi twarayitsindaga ikadutsinda cyangwa tukanganya, ariko ugasanga umukino cyane twashakaga gutsinda ntabwo ariwo twatsinze. Ubungubu rero niyo mpamvu abakinnyi twashyize hamwe ngo tubashe gutsinda ino match, cyane cyane ko nituyitsinda hari urundi rwego turajyaho muri shampiyona dukomeza guhatana ku mwanya wa mbere no gushaka icyo gikombe."

Serumogo Ali afite ikizere cyo gutsinda Gasogi United(Image:Rwanda Magazine)

Serumogo kandi yakomeje avuga ko abona ko ikipe ya Kiyovu Sports yubatse ku buryo ishobora gutwara igikombe cya shampiyona haba mu bakinnyi ndetse n'abatoza bayo.

Yongeye ati:"Mood irimo, ubushobozi turabufite kandi tumaze kugaragaza ko tubufite, no hagati yacu tumaze kubona ko dufite ubwo bushobozi bwo gutwara igikombe. Umutoza ahora atubwira umunsi ku wundi, akosora umunsi ku wundi ngo ayo makosa agenda agaragara rimwe na rimwe n'iyo twaba twatsinze abashe gukosoka.

"Turi mu rwego rwo kugira ngo dutware igikombe, turi capable yo kugira ngo dutware igikombe. Ntabwo turi guhangana n'ikipe runaka cyangwa se kugira ngo duterane amagambo n'ikipe runaka. Turi gushaka gutwara igikombe, kuko Kiyovu imaze imyaka myinshi idatwara igikombe ariko kubera Imana uyu mwaka turatwara igikombe. Uyu mwaka [abafana] barabona ibyishimo biruta ibyo babonye mu yindi myaka ishize."

Kiyovu Sports ikomeje kuyobora urutonde rwa shampiyona(Image:Rwanda Magazine)

Umukino wa Gasogi United na Kiyovu Sports uraba kuri uyu wa Gatanu saa 15:30, ndetse kuri uyu munsi hateganyijwe indi mikino ibiri aho saa 12:30 Police FC izabanza gukina na Musanze FC, ndetse na Rutsiro FC izakira Etoile de L'Est.

Sports journalist
 
Serumogo Ali yahumurije abafana ba Kiyovu Sports mbere yo gucakirana na Gasogi United

Serumogo Ali yahumurije abafana ba Kiyovu Sports mbere yo gucakirana na Gasogi United

 Apr 14, 2022 - 10:31

Visi kapiteni wa Kiyovu Sports Serumogo Ali ngo asanga nta derby iri hagati ya Kiyovu na Gasogi, kandi ngo yizeye ko uyu mwaka Kiyovu Sports izatwara igikombe cya shampiyona.

Kuri uyu wa gatanu nibwo harasubukurwa shampiyona y'ikiciro cya mbere mu Rwanda ahateganyijwe imikino itatu y'umunsi wa 23, harimo n'umukino wa Gasogi United na Kiyovu Sports ukomeje kuvugwaho amagambo menshi.

Gasogi United ni ikipe itarigeze  yorohera Kiyovu Sports kuva yatangira gukina mu kiciro cya mbere, ndetse umuyobozi wayo KNC amaze iminsi itari micye atangaza ko atakwihanganira gutsindwa n'iyi kipe iyoboye urutonde rwa shampiyona.

Myugariro wa Kiyovu Sports akaba na Visi kapiteni wayo, Serumogo Ali we avuga ko n'ubwo batigeze batsinda iyi kipe inshuro ebyiri zikurikirana, ariko ngo bagiye gukina nayo nta gitutu bafite kandi ngo bazanatwara igikombe cya shampiyona.

Ubwo yaganiraga na Youtube channel ya Kiyovu Sports, Serumogo yagize ati:"Twavuga ko match tuyiteguye neza kubera ko twari tumaze iminsi shampiyona idahari, ariko mbere yaho twakinnye igikombe cy'amahoro. Ndakeka ko ritime imaze kuza. Turabizi ko ari match ikomeye, match irimo ibintu bya debat nyinshi cyane ariko kuri twebwe twiteguye match kuri match, twiteguye guhangana ngo dutsinde iriya match.

"Nta pressure iriho kuko urebye imyaka Gasogi imaze muri première division si myinshi ku buryo wavuga ngo iri guhangana na Kiyovu, ahubwo pressure iri cyane ku bafana cyangwa ku bayobozi kuko hagati yacu mu bakinnyi mu mitegurire ndabona nta pressure cyane irimo kuko ni match twiteguye nk'uko twateguye izindi, kuko ndakeka ubu uramutse uvuze derby muri shampiyona y'u Rwanda ntabwo wazanamo derby ya Gasogi na Kiyovu. Nta derby irimo aho hagati ya Gasogi na Kiyovu, ikirimo ni gushaka amanota ikipe imwe ku yindi.

"Navuga ko nta na rimwe twigeze dutsinda Gasogi kabiri kikurikiranyije ni nayo mpamvu match ikomeye kuko urabona ko akenshi twarayitsindaga ikadutsinda cyangwa tukanganya, ariko ugasanga umukino cyane twashakaga gutsinda ntabwo ariwo twatsinze. Ubungubu rero niyo mpamvu abakinnyi twashyize hamwe ngo tubashe gutsinda ino match, cyane cyane ko nituyitsinda hari urundi rwego turajyaho muri shampiyona dukomeza guhatana ku mwanya wa mbere no gushaka icyo gikombe."

Serumogo Ali afite ikizere cyo gutsinda Gasogi United(Image:Rwanda Magazine)

Serumogo kandi yakomeje avuga ko abona ko ikipe ya Kiyovu Sports yubatse ku buryo ishobora gutwara igikombe cya shampiyona haba mu bakinnyi ndetse n'abatoza bayo.

Yongeye ati:"Mood irimo, ubushobozi turabufite kandi tumaze kugaragaza ko tubufite, no hagati yacu tumaze kubona ko dufite ubwo bushobozi bwo gutwara igikombe. Umutoza ahora atubwira umunsi ku wundi, akosora umunsi ku wundi ngo ayo makosa agenda agaragara rimwe na rimwe n'iyo twaba twatsinze abashe gukosoka.

"Turi mu rwego rwo kugira ngo dutware igikombe, turi capable yo kugira ngo dutware igikombe. Ntabwo turi guhangana n'ikipe runaka cyangwa se kugira ngo duterane amagambo n'ikipe runaka. Turi gushaka gutwara igikombe, kuko Kiyovu imaze imyaka myinshi idatwara igikombe ariko kubera Imana uyu mwaka turatwara igikombe. Uyu mwaka [abafana] barabona ibyishimo biruta ibyo babonye mu yindi myaka ishize."

Kiyovu Sports ikomeje kuyobora urutonde rwa shampiyona(Image:Rwanda Magazine)

Umukino wa Gasogi United na Kiyovu Sports uraba kuri uyu wa Gatanu saa 15:30, ndetse kuri uyu munsi hateganyijwe indi mikino ibiri aho saa 12:30 Police FC izabanza gukina na Musanze FC, ndetse na Rutsiro FC izakira Etoile de L'Est.

Sports journalist