Rick Ross yihebeye Ayra Starr

Rick Ross yihebeye Ayra Starr

 Jun 2, 2023 - 08:43

Umuraperi w'Umunyamerika Rick Ross yagaragaje amarangamutima afitiye umuhanzikazi w'Umunya-Nigeria Ayra Starr.

Umuraperi w’Umunyamerika Rick Ross aherutse kwerekana Videwo ari gutakagiza Umuhanzikazi wo mu njyana ya Afrobeats Ayra Starr ndetse yerekana ko birenze iby'umuziki ko ahubwo anamukunda cyane.

Muri video yacishije ku ruta rwe rwa Instagram, Rick Ross yavuze ubwiza bw'uyu mukobwa ndetse avuga no kumpano afite yo kuririmba, arangije amusaba ko bazaganira bakanishimana umunsi azaza muri Nigeria.

Rick Ross yihebeye Ayra Starr 

Ubwo abakunzi baba bahanzi bari bakimara kubona iyi Videwo ya Rick Ross, batangiye kwibaza umubano waba uri hagati y'aba bombi.

Rick Ross akaba aheruka mu Nigeria muri Mata 2022 ubwo yahakoraga igitaramo. Uyu kandi akaba yarasubiyemo indirimbo 'Beautiful Oyinye' ari kumwe na P-Square mu 2011.

Kuri ubu Ayra Starr akaba umwe mubakobwa bagezweho muri ibi bihe, gusa akaba ntacyo yari yavuga kuri iyi Videwo Rick Ross yasohoye amutakagiza ndetse amusaba ko bazahura umunsi yazagaruka muri Nigeria, nubwo hataramenyekana igihe uyu mugabo azazira muri Nigeria.