Uyu musore ukomoka muri Ghana, afite imyaka 25 y'amavuko, akaba akina hagati mu kibuga yataka (Attacking midfielder) cyangwa nka mababa w'ibumoso(Left-Wing).
Ni umwe mu bakinnyi bitwaye neza muri shampiyona ya Ghana mu myaka ibiri iheruka, aho amaze gutsinda ibitego 34 muri iyo myaka ibiri (2023-2024: yatsinze 19, 2024-2025 atsinda 15).
Ikipe ye ya Berekum Chelsea yabaye iya cyenda ku rutonde rwa shampiyona, yakiniye n'ikipe ya Asante Kotoko S.C hagati ya 2021 na 2022.
Stephen Amankona akinira ikipe y'igihugu ya Ghana ndetse yari mu ikipe ya Ghana yatsinzwe na Nigeria mu gushaka itike ya CHAN, igitego kimwe Ghana yabonye nyuma yo gutsindwa bitatu ni we wagitsinze ku munota wa 73' w'umukino.
Urugendo rwe rwo kwinjira muri APR FC rugeze he?
Amakuru atangazwa n'umunyamakuru w'Umunya-Ghana Mickey Jnr, avuga ko APR FC mu ntangiro yatanze $70,000, ariko Berekum Chelsea irayanga bikaba biteganyijwe ko APR FC iza gutanga ubundi busabe bushya bufite agaciro $100,000.
APR FC iri kuva ku isoko ry'igura n'igurisha ry'abakinnyi cyane ko yamaze kugura ndetse no gutangaza benshi mu bakinnyi yifuzaga.
Stephen Amankona ni we watsinze ibitego byinshi muri shampiyona ya Ghana
APR FC imaze gusinyisha benshi mu bakinnyi yifuzaga muri iri soko
