Ibinyamakuru bitandukanye byo mu gihugu cya Portugal biravuga ko ikipe ya FC Porto yaba yarishyuye umupfumu ngo ayifashe gutwara igikombe cya shampiyona uyu mwaka.
Ibi si ubwa mbere bivuzwe muri Portugal dore ko mu mwaka w'2017 byavuzwe kuri mukeba wayo Benfica nayo ngo yaba yaritabaje amarozi akunze kuvugwa muri Africa.
Bikomeje kuvugwa ko perezida wa FC Porto witwa Jorge Nuno Pinto da Costa yaba yarahaye akazi uwitwa Madalena Aloso mu mezi atanu ashize ku mugaragaro nk'umukozi w'ikipe uyifasha kuroga.
Nk'uko bitangazwa na Abola, Madalena Aroso ahembwa ibihumbi 13 by'amapawundi ku kwezi angana n'ibihumbi birenga 150 by'amapawundi ku mwaka ngo azayifashe gutwara igikombe cya shampiyona.
Aya makuru yateje impagarara mu bafana b'ikipe ya FC Porto dore ko babona ayo mafaranga atari make kandi bakagira impungenge ko bazagongwa n'amategeko ya "Financial fair play" arebana no gukoresha umutungo mu makipe y'iburayi hagendewe ku byinjiye.
Madalena Aroso yahawe akazi mu mpeshyi ya 2021 ndetse bakizera ko ashobora kumenya no kugena ibishobora kuva mu mikino iri imbere. FC Porto ishaka gutwara igikombe cya shampiyona cyatwawe na Sporting Lisbon mu mwaka ushize.
Iyi kipe itozwa na Sergio Conceicao ntiratsindwa ndetse ubu iyoboye urutonde rwa shampiyona n'amanota 38 mu mikino 14 imaze gukinwa muri Primeira liga, aho irusha Sporting Lisbon ibitego gusa ndetse ikarusha amanota ane Benfica ya kabiri.
Jorge Nuno Pinto da Costa prezida wa FC Porto(Image:Daily mail)
