Icyumweru cy’imikino cyatangiye kuwa 22 ukwakira 2021 I Burayi
Ni icyumweru cyatangijwe na Chelsea Fc yanyagiye ibitego 7-0 ikipe ya Norwich City idafite kizigenza wayo Romelu Lukaku usanzwe uyitsindira ibitego bituma abantu bibaza umunsi izaba yagaruye uyu rutahizamu w’umubiligi izakomera kurushaho bikanatera ubwoba abo bahanganiye igikombe , bityo Tomas Tuchel yaba ashobora gutwara Premier League ku mwaka we wa mbere nyuma yo gutwara Uefa Champions League.
Ikindi cyaranze icyumweru ni El Clásico
Fc Barcelona yari yakiriye Real Madrid I Camp Nou, umukino warangiye ari igitego 1 cya Fc Barcelona cya Sergio Agüero kuri 2 bya Real Madrid byatsinzwe na David Alaba na Lucas Vázquez.
Inkuru si ukuba Real Madrid ahubwo inkuru ni uko Fc Barcelona yatsinzwe inshuro 3 zikuriranya itsindwa na Real Madrid kuko umwaka ushize yatsinzemo imikino yombi iyihuza na Real Madrid ku giteranye cy’ibitego 5-2 aho umukino wari wabanje ku wa 24 ukwakira 2020 Real Madrid yayitsinze ibitego 3-1.
Ku wa 01 Mata 2021 Real Madrid yayitsinze ibitego 2-1 none yongeye kuyitsinda ibitego 2-1 ibi biratuma El Clásico igabanya uburyohe kuko icyo abantu baba bakurukiranye ari ihangana kandi rikaba riri mu marembera.
Iki cyumweru gisize Liverpool itanze isomo nyuma yo kunyagira Manchester United
Ubundi si kenshi umukino nkuwo ubonekamo ibitego 5 by’ikipe imwe Liverpool nk’ikipe ishaka igikombe gutsinda Manchester United ibitego bitanu ni ubutumwa bavugako ishaka gutwara igikombe cya 20 cya Premier League bizatuma inganya na Manchester United aho zizaba zifite 20 zombi. Ni nyuma yuko Manchester United itaramenya igikurikiraho niba ari ukwirukana umutoza wayo mukuru Ole Gunner Solskjær.
Icyi Cyumweru gisize Cristiano Ronaldo na Lionel Messi nta gitego babonye bombi.
Nyuma yuko aba bakinnyi aribo bafite Ibihembo by’umukinnyi mwiza ku isi inshuro nyinshi aho Lionel Messi afite Ballon d’or 6 naho Cristiano Ronaldo afite 5.
Aba bombi umwaka w’imikino ujya gutangira bahinduye amakipe kuko babonaga ayo bari barimo ntacyo arimo kubafasha. Lionel Messi yerekeje muri Paris Saint Germain yo mu bufaransa asangayo Neymar Júnior ndetse na Kylian Mbappé bombi b'ibihangange muri ruhago naho Cristiano Ronaldo yavuye muri Juventus agaruka muri Manchester United aho yari amaze imyaka 12 avuye aho yaje asangamo abandi bakinnyi bakomeye barimo Paul Pogba, Bruno Fernandez na Rafael Valane bahoze bakinana muri Real Madrid.
Icyo cyumweru nticyabahiriye kuko ubwo Liverpool yanyagiraga Manchester United Cristiano Ronaldo ntiyabashije kubona igitego cy’impozamarira kuko icyo yatsinze VAR abagenzura umukino bakoresheje amashusho bacyanze bavugako yari yaraririye.
Nyuma yaho Lionel Messi wari witezweho ko ashobora gutsinda igitego mu mukino uruta iyindi muri League 1 uhuza Olympic Marseille na Paris Saint Germain.
Lionel Messi ntibyamuhiriye ko abona igitego kuko ari umukino banganyijemo 0-0.
Lionel Messi utarabona igitego muri League 1 yo mu bufaransa nyamara akaba yaratsinze ibitego 3 muri Champions League akomeje guhangwa amaso we na mugenzi we Cristiano Ronaldo hibazwa niba isi izongera kubona abasimbura nkuko baje basimbura abandi bakinnyi beza babayeho nka Ronaldinho, Kaká na Zinedine Zidane.
Cristiano Ronaldo kandi icyi cyumweru gisize afite ikarita y’umuhondo nyuma yo gushaka kurwana mu kibuga ubwo batsindwaga na Liverpool.
Icyi Cyumweru kandi gisize Ole Gunner Solskjær ari mu muryango usohoka muri Manchester United nyuma yo kunyagirwa na Liverpool.
