Intambara ikomeje guhanganisha umutwe wa M23 n'ingabo za Repubulika iharanira demokarasi ya Congo FARDC, mu Burasirazuba bw'iki gihugu, ikomeje gufata intera. Kuri ubu M23 ikomeje gukinagiza ingabo za Congo.
Mu minsi ishize nibwo umutwe wa M23 watangaje ko wafashe agace ka Kinshanga, ariko nyuma yaho ntabwo yahagaze,kuko yakomeje gusunika ingabo za FARDC kugeza izambuye agace ka Nturo, ari nako gace M23 yaherukaga gufata.
Magingo aya,biri gutanganzwa ko hari ibindi bice M23 yafashe itarwanye, harimo uduce twa Kagusa, Ruvunda ndetse na Rumeneti.
Ibi bice ingabo za Leta zabitaye nyuma y'uko bagize ubwobo bwo guhangana na M23 kubera ibyabereye mu rugamba rwo mu Nturo.
Biratangazwa ko ntakabuza uduce twa Sake, Mihambwe aribyo bigiye kugwa mu maboko y'uyu mutwe.
Amakuru ari guturuka mu duce tw'imirwano ari kuvuga ko ingabo za FARDC zacitse intege nyuma y'ibice bamaze gutakaza.
Nubwo Leta ya Congo yatabaje abarwanyi bo muri Wagner Group baturuka mu Burusiya ngo baze kubarwanaho, ariko urugamba rukomeje kubakomerera.
Tshisekedi kandi ntiyarekeye aho kuko yagiye no kugura intwaro zihambaye muri Turukiya ndetse imitwe nka FDRL, MAI MAI, NYATURA n'iyindi ishoboka yarayitabaje ariko ntarabasha gusubiza inyuma umutwe wa M23.
